‘Yan Bindiga Sun Kutsa Cikin Jami’ar Usman Dan Fodio Da Ke Jihar Sokoto

Posted admin News 107 Views 2 Min Read
2 Min Read

Maharan sun kutsa jami’ar ne da misalin karfe goma na dare inda suka shiga kasuwar da ke cikin jami’ar suna harbi a iska, abin da ya tayar da hankalin masu shaguna da sauran jama’ar da ke cikin kasuwar kuma kowa ya yi ta kansa.

Shugaban jami’ar Farfesa Lawal Sulaiman Bilbis ya ziyarci jami’ar a cikin daren Litinin domin kwantar da hankalin dalibai, ko da yake a cewar jami’ar ba ‘yan bindiga masu satar mutane ba ne, barayi ne kawai suka zo satar abinci a kasuwar dake cikin jami’ar. Tuni dai jami’ar ta dauki matakan kara karfafa tsaro a cikin wurin.

Mataimaki na musamman ga gwamnan jihar Sokoto a fannin tsaro Kanal Ahmad A. Usman mai ritaya ya tabbatar da wannan harin, sai dai ya ce dabarun ‘yan bindiga na saka shakku da firgita a zukatan jama’a ne, saboda sun ga an tasar musu ta ko’ina.

A cewarsa matakan tsaron da ake daukao ba abu ne da ake bayyana wa a bainar jama’a ba, amma dai gwamnati tana kan daukar matakai don kawar da kalubalen.

Matsalar rashin tsaro dai na ci gaba da addabar jama’a a sassan Najeriya, don ko a makon nan rundunar ‘yan sanda ta tabbatar da kisan mutum uku da kuma raunata wasu mutane a wani hari da ya haddasa tashin hankali tsakanin al’ummomi biyu a yankin karamar hukumar Binji, kamar yadda kakakin rundunar a Sokoto ASP Ahmad Rufa’i ya tabbatar.

Mahukunta dai na cewa suna daukar matakai kuma ana ganin nasara ga wasu matakan da ake dauka na dakushe ayyukan ‘yan bindiga.

 

VOA

Share this Article
Posted by admin
Follow:
A group of seasoned crime reporters drawn from reputable media organisations in Nigeria. To help in creating a friendly Nigerian Police Force that meets the yearnings and aspirations of the citizens towards policing and security of lives and properties. To showcase the positive sides of the Force, as well as celebrating the great feat of police personnel, who have shown uncommon courage in the discharge of his / her responsibility. In the same vein, through objective ratiocination, identify the areas of shortcomings for corrections. We welcome you on board on this journey to build an enviable Nigeria Police Force by actively playing the role of a watch dog. Watch out for crime stories and other security titbits.
Leave a comment

Leave a Reply

Your email address will not be published. Required fields are marked *